كارثة انسانية باستشهاد زميل لنا في السنة الثانية

وهذه هي وصيتة لابنه البكر

يا ابني

بوصيك اذا نزلت مادة الاحصاء مدري اديش كان رقمها 2.3 او 2.7 للمرحوم الدكتور اربعة او ستة سلندر (بنزين ودفع رباعي )(ملاحظة:اسم الدكتور حسن سلندر الله يذكروا بالخير)  ما عاد اتذكر مظبوط لانو هاد الحكي صرلوا اكثر من 70 سنة يعني قبل ما خلفك .

برضاي عليك يا ابي اذا اجيت زرتني بالقبر و كانت النتيجة 49 لاتقلي ياها لانك بتزعلني بقبري وبغضب عليك وقدملي مباشرة اعتراض بركي ابنك بيلاحق المعاملة بعد ما انت تموت .

وعميل حسابك الدنيا دولاب اذا ما جبتلي علاماتي ابنك ما لح يجبلك علاماتك لما تموت (لانو هي الكلية مالها امان ).

وامانة شفلي النسبة اديش لانو طول عمري كنت احلم انجح بشي مادة كل العالم راسبين فيها بس الدكتور لحتى ما يعمل تمييز عنصري و لا حدا يجاكر حدا كان يرسب الكل ( على مبدا ماحدا احسن من حدا ) .

وادعي انك تعيش قد سيدنا نوح لانوا انا اتسرعت ودعيت الله يعطيني 120 سنة قد جارنا ابو ممدوح و تاري هيك عمر قصير ما بتحلم تشوف علاماتك واصلا مو مخصص لكلية مثل كليتنا ( مسافات طويلة )

كلمة السيد حسن نصر الله لطلاب الحاسوب ونظم المعلومات

كيف فهم السادة الدكاترة كلمة السيد حسن نصر الله (ما بعد ما بعد حيفا ) في حرب لبنان

دكتور التنبؤ الاداري وقت سالنا عن موعد طباعة الكتاب الجديد رد علينا

ما بعد ما بعد الفحص

وحياة ما بعد ما بعد الفحص هي حياة مشابهة لحياة القبر مخصصة لتعذيب طلاب الحاسوب

وهي الفترة البسيطة لاعلان النتائج بعد الفحص التي تمتد بين الف و الفين عام

قال الاسبوع الماضي  اتخذ مجلس الجامعة قرار بطباعة الكتاب

دكتور المشرف عن جامعة حلب وحمص وقت سالنا عن موعد تشغيل الشوفاجات والتدفئة رد علينا

ما بعد ما بعد فادي

وفادي هو احد احلى الشباب الحماصنة واكثر واحد بيتحمل برد بالعالم وهو مبرمج يعيش تلات ايام بالتلاجة يعني بيموتوا الشباب كلون لحتى يبرد وهو مصر يموتوا  لفادي من البرد ولهلق صار رايحلنا نحنا الشوام شي ست شباب واربعة من درعا تحت التعذيب والبرد بالقاعة 26تحديدا

اسئلة  الامتحان نظم معلومات / ساخر

الحاسوب و نظم المعلومات

اسئلة  الامتحان

السنة الاولى / الدورة الثانية

للعام  1804    -      1805  قبل الميلاد

اكتب ما لا تعرفه عن  الاسئلة المستحيلة التالية :

1 – عرف ما يلي :                   0.003  لكل تعريف تعرفه واما مالا تعرفه 10 درجة

عدم اهمية هذا الكتاب في الحياة العملية – عدم مسايرته للتطور – الابتعاد عن الواقع –                سخافة المعلومات – القدرة على الحفظ – النسيان – الذاكرة ( للاشخاص الطبيعيين ) –

2 – ماهي ميزات و مساوئ كل شي خلقه الله من مجهريات وغير مجهريات واي شي بتعلق بأي شي

اعصار عيشة يضرب جامعة حلب (نظم المعلومات )

لم تكتفي جامعة حلب بتحطيم الرقم القياسي تلو الأخر بل بدأت بابتكار أنواع جديدة و منفردة من الأرقام القياسية و نذكر منها على سبيل المثال لا الحصر من تلك الموسوعة :

• ابعد مسافة بين غرف التسجيل الجامعي ( والذي قد يكون عالميا ) : فهناك مسافة بين غرفة تدقيق المعلومات و غرفة تسجيل المواد لا تزيد عن 1.5 كيلو متر فقط أي بين المكتبة المركزية في جامعة حلب والى ما بعد كلية الهندسة لغرف التدقيق ومن ثم الذهاب ما يقارب المسافة نفسها بمكان اخر لدفع المبلغ المطلوب من الطالب ( الصندوق ) .